Одлична партија на Димитријевиќ, Нено со 21 поен го предводеше Арис во триумфот над Бургос

  • Екипа
  • 07.10.2026 / 21:54
  • СПОДЕЛИ:
ФОТО: Facebook/ ARIS B.C.

Македонскиот кошаркарски репрезентативец, Ненад Димитријевиќ, на најдобар можен начин дебитираше пред навивачите на Арис во првиот меч на домашен терен во УЛЕБ Еврокупот.

Арис со 93:80 го совлада шпанскиот Бургос, а Димитријевиќ беше најдобар на паркетот во салата „Александрио Мелатрон“.

 

 

Димитријевиќ беше стартер на мечот, одигра 21 минута и ја предводеше листата на стрелци на Арис со 21 постигнат поен, погоди две тројки од три обиди, а имаше и шест асистенции и два скока.

 

 

Победникот беше решен уште во првото полувреме, првата четвртина Арис ја доби со 28:14, а вторите десет минути ги доби со 25:16 и на одмор замина со предност од 23 поени (53:30) по што второто полувреме кошаркарите на Арис ги одработија рутински.

Свое шоу имаа и навивачите на Арис кои традиционално веднаш по потфрлањето на баскетот, со „поплавија“ теренот.

 

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...