Шкендија ќе биде значително засилена за вечерашниот натпревар од квалификациите за Конференциската лига против словенечки Браво, откако тетовци добија зелено светло за настап на двете најнови засилувања.
Напаѓачот Марко Ѓорѓиевски и дефанзивецот Јован Манев потпишаа за тетовските црвено-црни во текот на минатата седмица, а управата на клубот успеа да ги регистрира навреме за тие да можат да бидат во комбинација за денешниот меч воЉубљана.
„Откако успешно ја завршивме нивната регистрација, Манев и Ѓорѓиевски се вклучени на нашата официјална листа на УЕФА, тие ќе бидат на располагање на тренерот Артим Положани за мечот во Љубљана. Иако дојдоа неодамна и одржаа само неколку тренинзи со екипата, двајцата ќе можат да дадат свој придонес на првиот натпревар со Браво“, објави Шкендија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
