Во дербито на вечерта во НБА лигата, ЛА Лејкерс славеше против Далас со убедливи 129-114. Гостите веќе по првиот период од мечот го решија победникот со убедливата предност од 45-27, а незапирлив беше Леброн Џејмс со 35 постигнати поени.
Во поразениот тим подобар од останатите беше Лука Дончиќ завршувајќи го дуелот со 25 поени, 10 скока и седум асистенци. Но, и покрај одличниот ефект Словенецот не беше задоволен од својата игра.
„Играв многу лошо. Како да заборавив да играм кошарка. Тоа не бев јас. Мора да бидам многу подобар. Иако имам 20 години има работи кои мора многу подобро да ги правам, а под тоа подразбира и подобро однесување на теренот и контрола на бесот“ – истакна по средбата Дончиќ, кој за време на натпреварот во еден момент на фрустрација го искина сопствениот дрес. Секако тоа е непрепознатливо за него…
Luka Doncic really ripped his jersey after missing 2 FTs ?? pic.twitter.com/m79TsejoKk
— Ball Realm (@TheBallRealm) January 11, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА