Голманот ветеран на Баерн Минхен, Мануел Нојер, официјално го продолжи договорот со клубот за уште една година – до јуни 2027 година. Следната сезона Германецот ќе го носи дресот со број 16 во баварскиот тим.
Истиот ден, третиот голман на тимот, Свен Улрајх, исто така го обнови договорот за идентичен рок.
„Доволно добро размислив за мојата одлука и сега сум многу среќен. Сè е тука како што треба: со овој тим можеме да победиме секого. Обожавам да одам на „Зебенер Штрасе“ секој ден и да настапувам на најдобар можен начин. Во нашиот тим, голманите се едно и се обидуваме да ја подигнеме летвата постојано меѓусебно притискајќи се и подготвувајќи се што е можно подобро за натпреварите“, рече 40-годишниот Нојер.
Мануел Нојер е дел од Баерн од 2011 година, а капитен е на тимот од 2017 година. Досега има 597 настапи за Баварците. Оваа сезона одигра 36 натпревари во сите натпреварувања, прими 39 гола и 11 пати ја сочува мрежата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
