Кошаркарскиот прволигаш АВ Охрид во своите редови донесе три странски засилувања со кои го комплетираше ростерот за новата сезона.
Во клубот доаѓа искусниот српски плеј-мејкер Игор Мијајловиќ кој минатата сезона беше дел од романскиот Темишвар каде тренер е Александар Тодоров. Македонското првенство му е добро познато на Мијајловиќ бидејќи тој беше дел од историската прва титула на МЗТ Скопје Аеродром, а покрај во „Јане Сандански“ во Македонија има настапувано и за Кожуф и Карпош Соколи.
Во тимот на Марјан Илиевски ќе пристигнат и двајцата Американци, Остин Ајуква и Маркус Џексон. Ајуква игра на позицијата крилен центар, во Охрид доаѓа од колеџ тимот Шарлот 49, а во кариерата настапувал и за Клемсон Тајгерс. Џексон игра на позиции еден и два, а минатата сезона ја помина во колеџот Санта Барбара.
Претходно, Охриѓани го потврдија и доаѓањето на Данило Мијатовиќ, а од македонските кошаркари за клубот потпишаа Игор Пенов и Адем Мехиќ кои дојдоа од Куманово, Александар Штерјов кој играше во Кожуф, како и Марјан Младеновиќ и Војче Лефкоски кои соработуваа со Марјан Илиевски во Блокотехна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
