Омот-Килде со победа во Аспен го запечати триумфот во спуст

Норвешкиот скијач Александер Омот-Килде стигна до малиот кристален глобус во спуст во Светскиот куп во алпско скијање откако вечерва славеше на трката во американскиот ски-центар Аспен.

Норвежанецот до победата стигна на убедлив начин со време од 1:31.60 што беше за 61 стоти дел од секундата подобро од второпласираниот Канаѓанец, Џејмс Крофорд. Подиумот го надополни водечкиот во генералниот пласман Марко Одермат со заостанување од 63 стотинки зад победникот.

Утре во Аспен на програмата е супервелеслаломската трка.

Се вчитува...