Тренерот на Шкендија, Ќатип Османи, не може да биде задоволен од конечниот исход на гостувањето против Салцбург, меч што неговиот тим го загуби со 3-0 и сега има само теоретски шанси за пласман во следната рунда. Искусниот стратег на прес-конференцијата по мечот изрази жалење што неговите избраници не постигнаа барем еден гол, што сигурно ќе им ги зголемеше шансите на реваншот во Скопје.
„Факт е дека не го почнавме натпреварот како што посакувавме. Како што минуваше времето се консолидиравме и создадовме убави шанси, вистинска штета е што не ги искористивме. Ова е лош резултат, тука нема дилеми, но ние во секој случај максимално ќе се подготвиме за реваншот во Скопје. Колку и да се мали шансите, ние нема да престанеме да веруваме во чудо, иако ќе повторам – резултатот воопшто не ни оди во полза“ – истакна Османи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА