Доктор Роби Сика, медицински директор на Здружението на професионални тенисери, се осврна на проблемите со кои се соочува Новак Ѓоковиќ последнава година.
Сика истакнува дека издржливоста не опаѓа одеднаш кога спортистот ќе наполни триесет години, но ефикасноста на закрепнувањето значително се намалува.
„Разликата се гледа кога ќе побарате од телото да спринта, да застане, да ја промени насоката, да се опорави – и да го повтори тоа сто пати за неколку часа, а потоа потенцијално два дена подоцна. Закрепнувањето меѓу поените, меѓу сетови и натпреварите станува помалку ефикасно“, вели Сика, цитиран од Њујорк Тајмс.
Некои од условите својствени за Грендслем турнирите, натпревари од пет сета што можат да се протегаат до ноќ, само ја влошуваат целата ситуација.
„Тевтите се потесни, зглобовите и мускулите апсорбирале децении оптоварување, а се акумулираат помали повреди и дегенеративни промени. Ова може суптилно да ја промени ефикасноста на движењето, па затоа постар играч може да потроши повеќе енергија изведувајќи го истото движење“, додава Сика.
Кај помладите играчи, 85-90% од нивните енергетски резерви можат да се искористат за време на тешки натпревари, а во подоцнежните фази од нивната кариера, може да се искачи до близу 100%.
„Не би рекол дека повраќа затоа што е постар. Би рекол дека повторливото гадење може да биде видлив знак за тоа колку е блиску телото до границата. И бидејќи границата меѓу одржливото оптоварување и максималното оптоварување се намалува со возраста, потенцијално може да биде полесно да се достигне таа точка“, истакнува Сика.
Да се потсетиме дека Новак беше елиминиран во првото коло на Отвореното првенство на САД од Маријано Навоне, покажувајќи видливи знаци на исцрпеност по патот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
