Горан Пандев, Столе Димитриевски и Аријан Адеми последни ќе се приклучат на фудбалската репрезентација на Македонија на подготовките за Европското првенство 2020 година. Тројцата репрезентативци на соиграчите ќе им се приклучат на 30. мај. Пандев и Адеми поради напорните сезони во Џенова и Динамо Загреб добија дополнителен одмор од селекторот Игор Ангеловски, додека Столе Димитриевски се уште има обврски со својот Рајо Валјекано во Ла лига 2.
„Црвено-жолтите“ првиот собир ќе го имаат вечерва во 20 часот во хотелот „Хилтон“ во Скопје. Веднаш по пристигнувањето следува тестирање за Ковид-19, а веќе од утре репрезентативците почнуваат со тренинзите во Скопје.
Македонија пред стартот на шампионатот ќе одигра две пријателски средби, против Словенија на 1. и Казахстан на 4. јуни во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
