Го добија првиот дерби натпревар кошаркарите на Партизан во полуфиналето на АБА лигата против најголемиот ривал Црвена Звезда. На крајот „црно-белите“ славеа триумф, и со тоа му го нанесоа дури четвртиот пораз во петтиот меч оваа сезона на тимот на „црвено-белите“. После победите во Евролигата, и две во АБА лигата, сега ги совладаа и во првиот полуфинален меч во серијата.
Уште од првиот период Партизан наметна ритам, и замина со +6 по првата четвртина, но и на полувремето. Клучната разлика „црно-белите“ ја направија во третиот период, кој го добија со 26-13. Се обиде Црвена Звезда се врати во последниот период, стигна и до негатива од еден поен, но потоа следуваа серија грешки, и Партизан со серија од 5-0 ја „заклучи“ победата.
Кошаркарот на Црвена Звезда, Нвора беше најефикасен со 31 поен. Вашингтон кај Партизан со 22 беше најдобар кај победничкиот тим.
Вториот меч се игра на 21. мај, а домаќин ќе биде Црвена Звезда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
