Партизан го победи Баерн Минхен со 84-86 во 3. коло од Евролигата, за феноменален старт во најквалитетното европско клупско натпреварување со три победи од исто толку меча, од кои два на гостински терен.
Уште еднаш, во салата во Минхен имаше многу навивачи на Партизан, а поддршката за нивните миленици не изостана ниту за момент, а свирежи имаше за поранешниот црно-бел кошаркар Двајн Вашингтон кој сега игра за Баерн Минхен.
Партизан во последниот период од играта влезе со негатива од 8 поени, а имаше негатива и од 12 поени на стартот од четвртината, за да потоа следи феноменален пресврт и на крај заслужена победа.
OVO JE PARTIZAN. pic.twitter.com/X9mIa8sgKd
— KK Partizan Mozzart Bet (@PartizanBC) October 2, 2026
Екипата на Жоан Пењароја го победи Баерн благодарение на 17 поени од фантастичниот Тони Џекири, 16 од Карлик Џонс со 5 асистенции, осум поени од Вајлдос и седум поени од Кевариус Хејс.
На другата страна, поранешниот црно-бел ас Двeјн Вашингтон имаше 20 поени, а Јоханес Тиеман – 17 поени, дополнети со пет скока.
Во останатите мечеви Панатинаикос славеше против Макаби Тел Авив убедливо со 90-67, Барселона на гостински терен славеше против Бешикташ со 82-95 а Фенербахче го победи Дубаи со 76-66.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
