Пелистер ги донесе и Радуловиќ-Величковиќ и Зекири, вкупно седум нови имиња за неколку дена

По задоцнетиот старт на подготовките за новата сезона, Пелистер сега интензивно во акција за засилување на играчките редови. Најнови имиња меѓу битолчани се Мартин Радуловиќ – Величковиќ, кој доаѓа од Вардар и Рихан Зекири од редовите на Кораби.

Радуловиќ – Величковиќ треба да ја засили дефанзивата, а Зекири средниот ред.

Пелистер претходно ги ангажираше и Јакуп Бериша од Шкупи, Фернандо Силва, Христијан Вецески од Работнички, Филип Миленковски од Струга ТЛ и Алпај Јусуф од Силекс.

Битолчани и во новата сезона од клупата ќе ги води Димитар Капинковски, кој доби нов едногодишен договор.

Се вчитува...