Пелистер убедливо триумфираше против Работнички во дербито на 21. коло од Првата кошаркарска лига за зацврстување на лидерската позиција на табелата. Битолчани повеќе од заслужено славеа со 94-77 во натпревар во кој доминираа од самиот почеток, па се до крајот.
Уште во првиот период од играта кој им припадна на домашните со 31-20 беше најавената победата на „пелистерци“. Домашните потоа до крајот рутински ја одржуваа предноста постојано зголемувајќи низ следните четвртини. Веќе на полувремето беше 54-39, јасно најавувајќи го победникот на дуелот.
Кошаркарите на Работнички се обидоа да стигнат до евентуален пресврт во последната четвртина, но безуспешно.
Најдобар во победничкиот тим беше Малешевиќ со 21 поен и осум скока, Стајиќ запиша 19 поени и по четири скока и асистенции, додека Калахан имаше 14 поени. Кај Работнички, Торнтон со 21 поен и 15 скока, и Питс со 19 поени беа најдобрите поединци.
Пелистер по оваа победа, се зацврсти на врвот со 17 победи и 5 порази, додека Работнички остана на третото место со 15 победи и седум порази.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
