Карло Анчелоти неодамна изјави дека по завршување на договорот со Реал Мадрид ќе заврши и неговата тренерска кариера, но успесите на италијанскиот стратег во новата епизода во „кралскиот тим“ можат да ја одложат пензијата предвидена во 2024 година.
Претседателот на Реал Мадрид, Флорентино Перез е презадоволен од работата на искусниот 63-годишник кој во претходната сезона стигна до нов трофеј во Лигата на Шампионите и наскоро се очекува да започне преговори за продолжување на соработката на уште две години, пренесуваат шпанските медиуми.
Карло Анчелоти „дебитирше“ на тренерското место во клупскиот фудбал во редовите на Реџана, а потоа со успех ги предводеше и Парма, Јувентус, Милан, Челси, ПСЖ, Реал Мадрид, Баерн Минхен, Наполи и Евертон пред камбекот на „Сантијаго Бернабеу“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА