Манчестер сити е последниот четвртфиналист во ФА Купот на Англија, откако „граѓаните“ од втор обид успеаја да го совладаат тимот на Хадерсфилд. Првиот меч заврши без голови, но затоа на повторената средба избраниците на Пеп Гвардиола со одлична игра стигнаа до заслужена победа од 5-1.
Неочекувано гостите први поведоа со голот на Хари Бан во 6. минута, но Сити целосно ја контролираше играта и беше очигледно дека фаворитот нема да дозволи изненадување на овој меч. Сане израмни на 1-1 по одличното додавање на Стерлинг, а потоа работите во свои раце ги зеде Серхио Агуеро. Аргентинецот постигна два и асистираше при еден гол (на Забалета) на својот тим, за на крајот Сити да слави убедлива победа од 5-1 над аутсајдерот од Чемпионшип-дивизијата.
Во финишот Гвардиола ги повлече од игра Де Бруин, Агуеро и Сане, а петтиот погодок во судиското продолжение го постигна Ихеаначо.
„Граѓаните“ во четвртфиналето од ова натпреварување на “Риверсајд“ ќе му гостуваат на тимот на Мидлсброу.
Harry Bunn Goal HD – Manchester City 0-1… by FranceCup3
Leroy Sane Goal HD – Manchester City 1-1… by replayvostfr
Sergio Aguero Penalty Goal HD – Manchester City… by dailyfootballkick
Pablo Zabaleta Amazing Goal HD | Manchester… by denysenathan
Sergio Aguero Goal HD – Manchester City 4-1… by footballhighlights2016
Kelechi Iheanacho Goal HD – Manchester City 5… by Football–Live
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
