Барселона направи голема грешка кога минатото лето буквално го избрка Луис Суарез, кој премина во редовите на Атлетико Мадрид без обештетување и го предводеше тимот до шампионската титула во Ла Лига.
Каталонскиот гигант и ова лето ќе прави чистка, а на трансфер-листата освен Серхи Роберто, Жуниор Фирпо, Филипе Кутињо и Антоан Гризман се наоѓа и Жорди Алба. Диего Симеоне сака да го доведе левиот бек на „Ванда Метрополитано“, пишува весникот „АС“.
Можеби не е во најдобрите години, но Алба и натаму игра на врвно ниво, па доколку добие зелено светло од Барселона ќе започне преговори со клубот од Мадрид. Симеоне има проблеми на левата бековска позиција со Ренан Лоди, но и со Марио Ермосо. Двајцата воопшто не импресионираат, па затоа Алба би бил идеално засилување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА