Кожув е тимот кој претрпе најголеми промени оваа зима. Од гевгелискиот состав заминаа поголемиот дел од играчите, сменет беше и тренерот Павле Николов, а таа функција ја наследи Перо Блажевски кој сега го составува ростерот за вториот дел од сезоната.
По Бродвеј, нов странец кој го засили тимот е поранешниот кошаркар на Црн Дрим, Елџеј Кауерд. Американецот пристигна во струшкиот тим на средината од претходната сезона, а одигра осум натпревари на кои забележа просек од 14.8 поени, 4.5 скока и 3.9 асистенции.
Покрај плејмејкерот тимот ќе го засили и искусниот Александар Штерјов кој сезоната ја започна во Еуро Никел, но замина по доаѓањето на Кире Николовски.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА