Чешка и Украина, кои се ривали на Македонија во групата Б од претстојниот европски шампионат, претрпеа нови порази во подготовките за ЕП 2020.
Чесите денеска се сретнаа со Унгарија, губејќи со резултат 27-24. Мечот беше решен во првото полувреме што Унгарците го добија со 14-10, по што рутински ја одржуваа предноста до самиот крај. Здрахала и Хрштка со по четири погодоци беа најефикасни во чешкиот состав.
Украина по вчерашниот убедлив пораз од Швајцарија денеска повторно загуби, овојпат од селекцијата на Холандија со резултат 30-27. Тилте со осум погодоци беше прв стрелец на Украина, додека по четири постигнаа Жуков, Денисов и Акименко.
Македонија ќе го отвори настапот на ЕП 2020 токму против Украина на 10 јануари, а два дена подоцна избраниците на Данило Брестовац ќе се сретнат со Чешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА