Кристапс Порзингис зборуваше за здравствените проблеми што го држеа надвор од теренот истакнувајќи дека чувствува напредок, но дека мора да биде трпелив.
Кошаркарот на Голден Стејт сè уште нема одреден датум за негово враќање, иако повторно ќе биде со тимот.
Летонскиот центар објави порака на социјалните мрежи, заблагодарувајќи им се на навивачите за нивната поддршка и осврнувајќи се на шпекулациите за неговата состојба.
„Здраво на сите, работам со лекарите и специјалистите за да се вратам што е можно поскоро. Искрено, се чувствувам сè подобро и подобро. Само треба да бидам трпелив и верувам дека наскоро повторно ќе се чувствувам одлично“, рече Порзингис.
Порзингис призна дека неизвесноста му е тешка, особено по бројните повреди во текот на неговата кариера.
„Секако е фрустрирачко да се справувате со здравствени проблеми за кои не можете да ја одредите причината, а кога на тоа ќе ги додадете повредите што ги имав во текот на мојата кариера, сè се собира. Сепак, ќе го надминеме ова. Здравјето е нашето најголемо богатство. Ви благодариме за вашата поддршка.“
На крајот, тој одговори и на неоснованите гласини што се појавија на Интернет.
„Ги ценам сите интернет лекари што се обидуваат да ми постават дијагноза и да ми помогнат, но јас сум во најдобри раце. Така што сите можат да се релаксираат. И немам ХИВ или СИДА.“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
