Анадолу Ефес доцна синоќа ја потврди лошата вест поврзана со повредата на Мајк Џејмс, кој настрада во второто полувреме од гостувањето со Црвена Звезда и мораше да носилки да биде изнесен од теренот.
Веднаш стана јасно дека проблемот е сериозен, а турскиот клуб ги потврди најцрните прогнози – дека станува збор за повреда на тетивата.
„Детални испитувања ќе бидат извршени врз Мајк Џејмс, кој заработи повреда на тетивата, по што ќе биде составен и план за рехабилитација“, се вели во соопштението на турскиот клуб.
Во соопштението не е наведено дали станува збор за кинење на тетивата, но веројатноста за вакво сценарио е многу висока, што за жал би значело крај на сезоната за Џејмс, кој летово дојде во Ефес од редовите на Монако.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
