УЕФА го објави распоредот за лигашката фаза во Лигата на шампионите за сезоната 2026/27, а веќе во првото коло ќе гледаме неколку спектакуларни пресметки.
Новата сезона во елитното натпреварување ќе започне на 8 септември, а првото коло ќе се игра во периодот од 8 до 10 септември.
Еден од најинтересните натпревари ќе се одигра на „Сантијаго Бернабеу“, каде што Реал Мадрид ќе го пречека Интер. Во истиот термин ќе се сретнат и Порто и Манчестер Сити.
Ден подоцна, на 9 септември, Ливерпул ќе биде домаќин на Атлетико Мадрид на „Енфилд“. Ова ќе биде уште една атрактивна пресметка меѓу два големи европски клубови. Минатата сезона Ливерпул славеше со 3:2 во драматичен натпревар, кој го одбележаа и вербалните препукувања на Диего Симеоне со домашните навивачи.
На истиот ден ќе се играат и дуелите Барселона – Феенорд и Наполи – Арсенал, што дополнително го прави првото коло исклучително интересно.
На 10 септември на сцената ќе се појават и Баерн Минхен и Манчестер Јунајтед. Германскиот шампион ќе го пречека Бодо/Глимт, додека Јунајтед, по враќањето во Лигата на шампионите, ќе гостува кај Сабах.
Champions League: All the league phase fixtures for 2026/27 👇https://t.co/HVnJMfI7QI#UCL pic.twitter.com/DR4yxxDdWd
— UEFA Champions League (@ChampionsLeague) August 29, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
