Поддржувачите на македонската А репрезентација кои сакаат ја бодрат селекцијата на натпреварите од ЕУРО 2020 можат да се пријавуваат за купување на билети за мечевите од Европското првенство преку Фудбалската федерација на Македонија.
Заинтересираните поддржувачи на македонската репрезентација за купување билети за натпреварите од ЕУРО 2020 може да аплицираат за билети за мечевите на Македонија до 25. мај до 23:30 часот.
Преку електронска најава (име и презиме, натпревар(и) од ЕУРО 2020 заинтересирани да го следите и број на билети) испратени на e-mail адресата biljana.velkovska@ffm.com.mk, најпрвин се пријавуваат заинтересираните навивачи за купување билети, а доколку има можност барањето да се одобри, на e-mail адредсата од која е испратено барањето добивате посебен код за пристап на платформата на УЕФА за продажба на билети за ЕУРО 2020.
Специјалниот код за пристап и добивање можност за купување на билети за натпреварите на македонската репрезентација од Европското првенство е ограничен со можност за купување на два или најмногу четири билети за натпреварите од групата на Македонија од ЕУРО 2020.
Сите билети кои Фудбалската федерација на Македонија има можност да ги понуди за продажба на македонските навивачи се од категорија 3. Цената на чинење на еден билет изнесува 30 Евра за натпревар во Букурешт, односно 50 Евра за третиот натпревар од групата против Холандија во Амстердам.
Според последните информации, за секој пооделен натпревар Фудбалската федерација на Македонија ќе може да пушти околу 1.500 билети во продажба, 500 билети ќе бидат резервирани за фудбалерите, членовите на стручниот штаб и раководството на ФФМ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
