Кошаркарската репрезентација на Соединетите Американски Држави влегува во завршната фаза од подготовките за Светското првенство. Селекторот Грег Попович покрај тактичките детали на теренот, посветува внимание и на атмосферата во тимот.
Искусниот стратег, по првпат во кариерата ќе го води дрим-тимот на едно големо натпреварување, а пред него е голем предизвик бидејќи голем дел од НБА ѕвездите го откажаа учеството на Мундобаскетот. Попович е свесен дека градење „хемија“ во тимот е важен дел од успехот.
„Често практикувам заедничка вечера со сите кошаркари на која одиме без телефони, како би можеле меѓусебно да разговараме. Разговараме, за сопругите, децата, девојките и така се зближуваме меѓусебно. Кога тимот е нов, едноставно потребни се вакви работи“, изјави популарниот Поп.
САД е во групата Е на Светското првенство заедно со репрезентациите на Јапонија, Турција и Чешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
