Бразилскиот фудбалер, Лукаш Лима, од први јули ќе биде играч на Барселона, јавуваат бразилските медиуми. Каталонскиот гигант ова лето се поврзува со неколку фудбалски имиња, иако засега, се уште не е договорен ниеден голем трансфер.
Но, Бразилците најавуваат сигурен трансфер на 25-годишниот фудбалер и тоа по лична препорака на Нејмар. Тој добро ги познава квалитетите на Лима кој настапува за неговиот поранешен клуб Сантош и за бразилската репрезентација. Се работи за офанзивен играч од средниот ред кој има договор со бразилскиот клуб до крајот на 2017, па веќе од 1 јуни може да потпише за Барселона, а во каталонскиот клуб би стигнал во јануари наредната година.
Нејмар посебно се заложил Лима да го облече дресот на Барселона бидејќи неговиот татко му е менаџер на Бразилецот. Според најавите, Лукас Лима со Барселона ќе потпише договор до 2022 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
