Барселона и Јувентус одиграа само реми и покрај фантастичните два гола кои ги постигна Усман Дембеле. На овој дуел Чави одлучи да им даде шанса на голем број играчи. Меѓу нив беше и Миралем Пјаниќ кој одигра доста добро против својот поранешен клуб Јувентус.
Тренерот на Барса беше запрашан за иднината на Босанецот, а Ернандес даде една изненадувачка и неочекувана изјава, ставајќи до знаење дека Пјаниќ не е прецртан и дека постои шанса да остане како алтернатива во средниот ред.
Пјаниќ замина на позајмица минатата сезона откако имаше нарушен однос со Куман, а дали ќе добие шанса од Чави да се бори за своето место ќе дознаеме до крајот на летниот преоден рок.
„Многу ми се допадна Пјаниќ, одлично комбинираше со страничните бекови и има уникатна визија на средниот ред. Тој е одличен играч и опција плус во моментов, ќе го разгледаме неговиот статус од денес до крајот на трансфер пазарот“, изјави Чави.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
