На сагата околку продолжувањето на договорот на Лукас Васкез со „кралскиот“ клуб и се ближи крајот. Како што пренесуваат шпанските медиуми, Реал Мадрид ја зголемил првичната понуда за својот „пулен“ и двете страни се многу блиску до продолжување на соработката.
Васкез досега заработуваше околку 3.5 милиони евра годишно, а првичните понуди до 29-годинишкот не му нуделе зголемување на неговите примања. „Универзалецот“ не ја прифатил оваа понуда, а добрите партии на Шпанецот, како и интересот за неговите услуги од страна на ПСЖ, Баерн Минхен и Челзи го принудил раководството на мадридскиот клуб за зголемување на цената на 5 милиони евра.
„Детето на Реал Мадрид“ никогаш не ја криеше желбата за продолжување на соработката со клубот, а сега се очекува да потпише нов тригодишен договор со опција за продолжува на соработката за уште една сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
