Екипата на ЖРК Вардар се соочува со сериозен проблем на дваесетина дена пред четвртфиналните пресметки од ЛШ откако Александра Лакабрер заработи повреда при настапот за својата репрезентација.
Десниот бек се повреди на половина од полувремето од мечот од „Златната лига“ меѓу Франција и Русија. Според првичните информации од француските медиуми, станува збор за проблем со мускулот на десната нога и Лакабрер сигурно нема да се врати на терените до крајот на натпреварот.
За очекување е француската ракометарка во следните неколку дена да пристигне во Скопје, по што ќе бидат познати повеќе детали околу сериозноста на повредата и должината на паузата.
ЖРК Вардар првиот меч од четвртфиналето од ЛШ против Митјиланд го игра на 9 април, па лекарскиот тим на „црвено-црните“ ќе има дваесетина дена да се обиде да ја оспособи оваа ракометарка за настап.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
