Јаник Синер кон средината на месец јули се закити со титулата на Вимблдон, но италијанскиот ас оттогаш не го гледаме на тениските терени.
Паузата се повеќе се одолговлекува, а последните информации од Италија говорат дека може да биде и уште значително подолга ако Јаник мора да замне на нова операција.
„Проблемот на Синер е деликатен, тој има мака со ткивото над коленото. Проблемот не е во коленото, туку во делот над него… Засега тој го третира со одмор, потоа со многу физиотерапевтска работа, со постепено зголемување на оптеретувањето, за да не чувствува болка. Доколку и тоа не даде резултати, Синер наскоро ќе мора на операција. Таа опција воопшто не е невозможна“, пишува италијанскиот весник „Кориере дело спорт“.
Клучното прашање е – кога можеме да го очекуваме Јаник Синер повторно на тениските терени.
„Тој е пријавен за Шангај од 7 до 18 октомври, но шансите да заигра таму се многу, мноу мали“, пишува истиот автор за „Кориере“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
