Октомвриската репрезентативна пауза се покажува кобна за Јувентус, откако тренерот Андреа Пирло остана без помошта на неколку клучни фудбалери за претстојните натпревари на „старата дама“.
Кристијано Роналдо е позитивен на коронавирус и најмалку две недели ќе биде надвор од тимот, а проблемите со навалната линија се уште посериозни откако Пауло Дибала воопшто не тренираше со аргентинската репрезентација и по враќањето назад во Торино и на овој фудбалер му претстои нова пауза од терените. За проблемите да се уште поголеми, Пирло остана и без помошта на Арон Рамзи, кој беше стандарден првотимец на првите овосезонски натпревари. Велшкиот репрезентативец заработил повреда на последниот тренинг на националната селекција и ќе го пропушти денешниот дуел со Бугарија, а по враќањето во Торино ќе биде утврдено колку време ќе биде надвор од терените.
Јувентус до крајот на месецов го очекуваат пресметки со Динамо Киев и со Барселона во Лигата на Шампионите, како и дуели со Кротоне и со Верона во рамките од Калчо-лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА