Лука Дончиќ повторно е во центарот на вниманието поради проблеми со повреди, а поранешниот шампион на НБА и актуелен аналитичар на ЕСПН, Кендрик Перкинс, направи паралела меѓу словенечкиот ас и Џоел Ембид.
Дончиќ не одигра ниту еден натпревар во овогодинешниот плејоф поради истегнување на тетивата од втор степен, а без него, тимот од Калифорнија беше убедливо елиминиран во втората рунда од Оклахома Сити Тандер, со 4-0 во серијата.
Перкинс верува дека честите проблеми со повредите на Дончиќ стануваат сериозна причина за загриженост.
„Лука почнува да влегува на територијата на Џоел Ембид. Кога тимот има најголема потреба од него, во плејофот, тој не е на теренот“, рече Перкинс.
Тој додаде дека во претходните сезони, Дончиќ често имал проблеми со повреди, првенствено со мускулите, и дека честопати не бил во идеална физичка форма во најважниот дел од сезоната.
За време на отсуството на Лука Дончиќ, Лејкерси остварија рекорд од седум победи и осум порази.
Медицинскиот тим на Лејкерси, исто така, доби критики. Спортскиот доктор Џеси Морс смета дека клубот не применил доволно агресивен третман за опоравување.
„Тие користеле само ПРП терапија, што е практично почетно ниво на третман. Станува збор за терапија со јачина – три од десет“, рече Морс.
Според него, повредата на Дончиќ барала посериозен регенеративен пристап, а таквата одлука би можела да го забави неговото враќање на теренот во најважниот дел од сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
