Ракометната репрезентација на Македонија вечерва ќе ги дозна противниците за групната фаза од Европското првенство што следниот јануари ќе се одржи во Шведска, Данска и во Норвешка.
Жрепката е закажана за 19 часот во Хернинг, каде што ќе биде донесена одлука кои се селекциите со кои нашите ракометари ќе се сретнат на новиот континентален собир, но и во која држава ќе гостува Македонија и „фалангата“ за ова големо натпреварување“ (Хернинг ќе биде домаќин на група во Данска, Малме и Кристијанштад во Данска и Осло во Норвешка).
Шест селекции веќе се „делегирани“ пред самата ждрепка, Данска ќе биде носител во групата Б во Хернинг, Германија на групата А исто така во Хернинг, додека Шведска ќе ги пречека ривалите во групата Е во Малме. Од вториот шешир, Норвешка ќе биде во групата Ц во Осло, Фарските Острови во групата Д исто така во Осло, додека Исланд своите средби ќе ги игра во Кристијанштад, како дел од групата Ф.
Македонија е дел од третиот шешир заедно со селекциите на Австрија, Холандија, Чешка, Полска и Црна Гора, ривали со кои дефинитивно нема да се сретнме во првата фаза од овој европски шампионат.
Група што дефинитивно би сакале да ја избегнеме е за ривали да ги добиеме Данска од првиот, Шпанија од вториот и Србија од третиот шешир.
Од друга страна, барем на хартија најголеми шанси за добар резултат би имале ако се сретнеме со Унгарија, Фарските Острови и со Грузија.
1 Шешир: Франција, Данска, Шведска, Германија, Унгарија, Словенија
2 Шешир: Норвешка, Португалија, Исланд, Хрватска, Шпанија, Ф. Острови
3 Шешир: Австрија, Холандија, Ц. Гора, Чешка, Полска, Македонија
4 Шешир: Грузија, Србија, Швајцарија, Италија, Романија, Украина
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
