Македонскиот шампион ЖРК Ѓорче Петров ги заврши натпреварите во ЕХФ Европскиот Куп во третото коло откако загуби и на вториот натпревар со шпанскиот Елче, овојпат поубедливо со 19-25.
Претходно, во првиот натпревар вчера Елче славеше со 16-19.
Победникот на денешниот дуел беше решен уште во првиот дел кога Шпанките дојдоа до водство од 10-16. Во второто полувреме македонскиот тим се доближи до 15-19, но тоа беше се. Гостинките рутински одржуваа предност за конечна победа.
Армина Исиќ и Емилијана Ризоска постигнаа по четири гола, а Милена Вујисиќ запиша 11 одбрани. Во таборот на Елче, Химена Лагуна заврши со пет постигнати гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
