Реал Мадрид го загуби дербито во САД од Барселона со 2-3, а дел од фановите по мечот реагираа што Серхио Рамос му пријде на Нејмар за да го смени дресот со лутиот ривал. Набрзо следеше и одговорот на шпанскиот репрезентативец, зошто го зел овој „сувенир“ од турнејата низ САД.
„Зошто баш дресот на Нејмар? Бидејќи ова е неговото последно „Ел Класико“, барем се надевам дека е. Ако тој си замине, тоа ќе биде проблем помалку за нас бидејќи е навистина импресивен фудбалер. Без оглед на ривалството на екипата јас отсекогаш сум имал добар однос со него, верувам дека ќе ја донесе вистинската одлука за својата кариера“ – истакна Рамос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
