Македонскиот прволигаш Ренова имаше повеќе од успешна генерална проба во пресрет на почетокот на пролетниот дел од првенството во Првата лига. „Гипсарите“ денеска го совладаа второлигашот Локомотива со 5-0. Тимот на Влатко Костов беше доминантен на овој пријателски меч и покажа дека се наоѓа во добра форма пред гостувањето во Скопје и дуелот со Работнички на 14 февруари.
Влатко Стојановски го отвори резултатот во корист на Ренова, на 2-0 зголеми Фатјон Јусуфи, а третиот гол беше дело на Лавдрим Скендери. До крајот на мечот во листата на стрелците се запишаа и Лукас, како и Бурим Садики.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
