Репрезентацијата врти нов лист со Давитков (фотогалерија)

Позитивна беше атмосферата на денешниот прв собир на кошаркарската репрезентација на Македонија, на која Јорданчо Давитков почна да го остварува она што се очекува од него – најпрвин да го подобри тимскиот дух, а потоа да го искористи тоа за да стигне до позитивни резултати во претквалификациите.

Играчкиот кадар се уште е ограничен, во исчекување на Американецот Теодор и дилемите кои постојат кај дел од неизвесните кошаркари, но радува решеноста кај сите присутни – разочарување од претходните квалификации да се претвори во мотив, за со добри игри и резултати во август репрезентативната кошарка да го запре „слободниот пад“ и повторно да почне да се движи во нагорна линија.

Антиќ и Чековски се уште не се изјаснија дали ќе играат, но како искусни асови дојдоа да дадат поддршка на проектот на Давитков, пред кого несомнено е тешко искушение. За негова среќа, крај себе ќе го има Тодор Гечевски, легендата на македонската кошарка кој сигурно ќе има што да ги посоветува помладите.

Ова е само почеток, но во секој случај позитивна „вибрација“. До дуелите со Косово и Естонија има сосема доволно време за докомплетирање на ростерот и успех во овие претквалификации. Влогот е огромен, но Македонија има капацитет да одговори на овој предизвик.

[new_royalslider id=”696″]

Се вчитува...