ЕКИПА во Букурешт, Романија
Владимир Булатовиќ
Фудбалската репрезентација на Македонија вечерва во Букурешт од 20:45 часот против Романија ќе ги почне квалификациите за пласман на Светското првенство во Катар во 2022 година.
Романските медиуми велат дека Македонија не е за потценување бидејќи ја има најдобрата генерација во историјата која за првпат ќе настапи и на едно големо натпреварување, откако се пласираше на Европското првенство.
„Предводени од „феноменот“ Пандев и „дијамантот“ Елмас дефинитивно Македонија ќе биде тежок ривал… Македонците не се за потценување, но ние мора да отвориме со победа…“ – се дел од насловите во романските медиуми.
Но, покрај големиот респект кој го носат кон македонската фудбалска репрезентација, сепак тие се едногласни дека императив е домашна победа за старт на мундијалските квалификации.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА