Португалскиот ас Кристијано Роналдо е неизвесен за настап на дербито в недела против Наполи. Италијанскиот првак Јувентус објави дека првата ѕвезда има проблеми со левиот скочен зглоб и дека во текот на наредните два дена ќе мине детални лекарски прегледи и тестови за да се утврди дали ќе може да биде дел од тимот што ќе гостува во Неапол.
Роналдо заработи повреда на мечот против Болоња на гости (0-1), но и покрај тоа го одигра целиот натпревар. Тоа само ја влошило повредата. Тренерот Масимилијано Алегри сака да го има Португалецот комплетно подготвен за реванш мечот против Атлетико Мадрид во осминафиналето на Лигата на шампионите. „Старата дама“ по првиот дуел има негатива од 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
