Кошаркарите на Полска се со една нога меѓу осумте најдобри репрезентации на Светското првенство во кошарка, откако денеска во првиот меч од групата И ја совладаа Русија со 79-74.
Русите подобро го отворија натпреварот контролирајќи го резултатот во текот на целото прво полувреме, заминувајќи на пауза со водство од (34-40). Во третиот период „зборнајата“ успеа да го задржи водството, а по 30 минути игра резултатот на семафорот изнесуваше (53-57).
На стартот на последната четвртина Полјаците со одлична игра и серија од 11-1 за првпат поведоа (64-58). Следуваше серија на Русите од 6-0 за повторно израмнување на резултатот (64-64). До крајот се играше кош за кош, ситуација во која подобро се снајдоа Полјаците за конечна победа од 79-74.
Најефикасен во победничкиот табор беше Адам Вачински со 18 поени, а четири помалку уфрли Матеуш Понитка. Кај Русите најрасположен беше Микаил Кулагин со 21 поен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА