Првата светска тенисерка, Арина Сабаленка се пласираше во полуфиналето на последниот годинешен грендлсем турнир, УС Опен, откако во меч кој траеше 142 минути ја совлада Линда Носкова.
Сабаленка триумфира со 2-1 во сетови и тоа со 7:6,3:6,7:6 и ја продолжува одбраната на титулата на УС Опен. Згора на тоа, ова е шесто полуфинале на УС Опен по ред за Сабаленка, а во последните две изданија ја освојуваше титулата.
Во првиот сет траеше 48 минути, и во него двете тенисерки направија само по еден брејк, првиот удар го зададе Сабаленка која го одзеде првиот сервис на Носкова и поведе со 2:0 во гемови.
Но, во деветтиот гем, кога сервираше за освојување на сетот, Носкова успеа да се врати во игра, ја искористи првата од двете брејк топки и потоа двете тенисерки со сигурен сервис го однесоа сетот во тај-брејкот. Во него, тотална доминација на Сабаленка, 7:1 за водство од 1-0 во сетови.
Во вториот сет, имаше еден брејк и него го направи Чехињата во шестиот гем. Носкова поведе со 2:4 и потоа рутински го приведе сетот до крајот и го однесе мечот во одлучувачкиот трети сет.
И во третиот сет имаше брејкови, по еден на двете тенисерки, а во тај-брејкот подобра беше Сабаленка со 10-7.
Белоруската тенисерка во полуфиналето ќе игра со подобрата од дуелот меѓу „милијардерките“ Џесика Пегула и Ева Наваро.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
