Новак Ѓоковиќ и Арина Сабаленка дефинитивно ќе настапат заедно во конкуренција на мешани двојки на претстојниот Ју-Ес Опен.
Иако нивните имиња веќе беа на листата на учесници, белоруската тенисерка сега и официјално потврди дека ќе игра во тандем со српскиот ас.
„Па, знаете, тој ме молеше да играм со него. Му реков: ‘Знаеш што… Важи, легендо, ќе ти помогнам. Ајде да се забавуваме и да атакуваме на титулата’. Така што, вистина е, играме заедно. Ќе биде многу забавно, едвај чекам“, изјави Сабаленка.
Главниот турнир во поединечна конкуренција на Ју-Ес Опен почнува на 30 август, додека натпреварите во мешани двојки се закажани за подготвителната недела, на 25 и 26 август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
