Селекторот на фудабалската репрезентација на Англија, Герет Саутгејт, има големи проблеми со изборот на напаѓачи за Европското првенство бидејќи во моментов се повредени Хари Кејн и Маркус Рашфорд, а најдобриот стрелец во Премиер-лигата, Џејми Варди стави крај на репрезентативната кариера.
„Ако бидат добро ќе ни бидат достапни летово. Реален човек сум. Мислам дека ситуацијата со Хари и Маркус е таква каква што е. Имаа тешки повреди, но и двајцата ќе направат се што е во нивна моќ да бидат дел од репрезентацијата на ЕП. Прв приоритет е да се вратат до крајот на сезоната со настап во нивните клубови, а потоа и да бидат дел од тимот кој ќе настапи на еврошампионатот“, изјави Саутгејт.
Аглија на Европското првенство се наоѓа во групата Д заедно со Хрватска, Чешка и најдобрата репрезентација од баражот во групата Ц во Лигата на нации во која се наоѓаат селекциите на Србија, Норвешка, Шкотска и на Израел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
