Англиско финале се насетува во Лигата на Европа, ако се суди според резултатите од првите натпревари во двете полуфинални пресметки. Арсенал со предност од 3-1 против Валенсија ќе патува на реваншот во Шпанија, додека Челси има позитивни 1-1 од гостувањето против Ајнтрахт Франкфурт.
На дуелот во Франкфурт, Ајнтрахт поведе со голот на одличниот Лука Јовиќ во 23. минута, а израмни Педро со погодокот во последната минута од првиот дел.
Стрелец за Арсенал во два наврати во првото полувреме, во 18. и во 26. минута, беше Лаказет, откако гостите први дојдоа до предност со голот на Диакхаби во 11. минута.
А, за убедлива победа од 3-1 која навестува финале за „топчиите“ се погрижи Обамејанг со погодокот во 91. минута од натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
