Шпанскиот прволигаш Селта ја раскина соработката со тренерот Мигел Кардосо. Португалскиот стратег не успеа да го консолидира тимот кој загуби три од последните четири натпревари во Ла Лига, а тоа беше причина раководството на клубот да се одлучи за промена.
„Клубот ја раскина соработката со тренерот Мигел Кардосо и неговите асистенти во стручниот штаб. Му се заблагодаруваме за посветеноста во работата и професионализмот и му посакуваме се најдобро во понатамошната кариера“, се вели во соопштението на Селта.
Тимот се наоѓа на 17.позиција на табелата во Ла Лига и има само два бода повеќе од Вилјареал, кој е во опасната зона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
