Европскиот фудбал денеска остана посиромашен за една голема легенда, откако Синиша Михајловиќ почина губејќи ја борбата со леукемијата.
Трагичната вест преку соопштение ја потврди најблиското семејство на поранешиот српски селектор и репрезентативец.
„Сопругата Аријана и децата Викторија, Вирџинија, Мирослав, Душан и Николас, заедно со внуката Виоланте и нeговата мајка Викторија и братот Дражен, со голема жалост информираат за смртта на својот сопруг, татко, син и брат, Синиша Михајловиќ. Извонреден човек, секогаш достапен да им помогне на сите. Храбро се бореше против ужасната болест до самиот крај. Им благодариме на докторите и на медицинските сестри кои го следеа низ годините, давајќи му љубов, нега и почит. Синиша секогаш ќе остане со нас, низ љубовта што ни ја даде сите овие години“, се вели во соопштението на семејството на Михајловиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА