Словенија приреди сензација освојувајќи ја титулата на Европското првенство за ракометари до 20 години, откако во големото финале славеше над фаворитот Франција со резултат 31-30.
Финалната пресметка донесе атомски ракомет, двете селекции се менуваа во водство, а кога „триколорите“ влегоа во ритам и во второто полувреме поведоа со три гола се чинеше дека отпорот на Словенците, кои играа на домашен терен, конечно е скршен.
Сепак, Словенија се разбуди кога беше најважно, голманската рокада вроди со плод, во нападот брилијантен беше Оцвирк со 11 гола, за историско прво злато на оваа земја на младинските шампионати.
Бронзениот медал заврши на градите на ракометарите од Германија, кои во малото финале славеа над Португалија со 29-26.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
