Кошаркарите на Оклахома Сити поведоа со 114-88 над Минесота во финалето на Западната конференција на НБА, откако ноќеска победија во првиот натпревар на домашен терен.
Оклахома ја предводеше Шеј Гилџес-Александар со 31 поен, од кои 20 постигна во второто полувреме, а имаше и девет асистенции, пет скока и три украдени топки. Тој погоди осум од 14 шутеви во второто полувреме, по лошото прво полувреме од играта.
Џејлен Вилијамс придонесе за победата со 19 поени, осум скока, пет асистенции и пет украдени топки, Чет Холмгрен со 15 поени и седум скока, а Исаија Хартенштајн со 12 поени и пет скока.
За Минесота, Џулиус Рендл беше најефикасен со 28 поени и осум скока, а постигна само осум во второто полувреме. Ентони Едвардс додаде 18 поени и девет скока, а Донте ДиВинченцо имаше девет поени.
Минесота водеше со 48:44 на полувреме, а Рендл постигна 20 поени, а Оклахома успеа да поведе со 66:60 во третата четвртина со серија од 10:0. Оклахома ја доби третата четвртина со 32:18 и влезе во четвртата четвртина со водство од 76:66.
Вториот натпревар ќе се игра ноќта помеѓу четврток и петок, а Оклахома повторно ќе биде домаќин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
