Македонскиот прволигаш Шкупи своите натпревари во Првата лига привремено ќе ги игра во Гостивар. Со оглед дека теренот на Чаир не е подготвен за натпреварување во прволигашка конкуренција, раководството на Шкупи одлучи да биде домаќин надвор од Скопје, иако се разгледуваше можноста и за терените на ФФМ.
На 14 февруари, Шкупи ќе го пречека тимот на Академија Пандев во Гостивар, а најверојатно тоа ќе биде случај и за следниот меч против Шкендија на 18 февруари. По ова, Шкупи треба да му биде домаќин на 28 февруари, а се надева дека дотогаш ќе биде подготвен и теренот на стадионот Чаир.
Натпреварот, пак, меѓу Победа и Пелистер прилепчани ќе го играат на теренот на тренинг центарот „Петар Милошевски“ во Скопје поради неможноста мечот да се игра на стадионот на Могила.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
