Лионел Меси ги загрижи навивачите пред Светското првенство напуштајќи го натпреварот на Интер Мајами синоќа во МЛС лигата. Иако се очекуваше да ја предводи одбраната на титулата на Аргентина, 38-годишниот напаѓач заврши надвор од теренот поради повреда, само неколку недели пред почетокот на турнирот.
Одморот на Меси пред Светското првенство, кое започнува на 11 јуни, започна малку порано од планираното. Во 73. минута од натпреварот против Филаделфија, на кој Мајами победи со 6-4, Меси го напушти теренот.
Аргентинецот запиша две асистенции за својот тим, но во 71. минута, Меси беше принудно заменет.
Кога беше заменет од Матео Силвети, осумкратниот освојувач на Златната топка не отиде на клупата, туку отиде директно во соблекувалната, бавно и без медицинска помош.
Неизвесен настап на Светското првенство!?
Аргентина сè уште не го објави конечниот список на играчи за Мундијалот, кој се одржува во САД, Канада и Мексико, но се очекува Меси да биде на него.
Сепак, неговите надежи за настап на она што се претпоставува дека е последно Светско првенство би можеле да бидат разнишани.
Меси претходно изјави дека ќе игра на Светското првенство само ако е целосно здрав. Аргентина ќе го игра својот прв натпревар во групната фаза на 16 јуни.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
