Прес-конференцијата на тренерот на Реал Мадрид, Жозе Мурињо, пред утрешниот старт на Лигата на шампионите и дуелот со Интер, помина во знакот на перформансот што го направи новинар кој му додели подарок на Португалецот и го врати 16 години наназад во минатото.
На крајот од прес-конференцијата, пред да си замине Мурињо, од италијански новинар доби на подарок прскалка. Сите присустни во салата сфатија за што станува збор, за полуфиналето во ЛШ од 2010 година и двомечот меѓу Барселона и Интер.
Тогаш Мурињо седеше на клупата на Интер, првиот дуел на „Џузепе Меаца“ заврши со триумф на „Неразурите“ со 3:1, а во реваншот Барселона победи со минимални 1:0 и во финалето замина италијанскиот тим.
По крајот на мечот, фудбалерите и стручниот штаб на Интер започнаа да слават на „Камп Ноу“, а во тие моменти се вклучија прскалките за трева со цел да го прекинат славјето Интер.
Подоцна таа година, Интер во финалето кое се играше на „Сантијаго Бернабеу“ со 2:0 го победи Баерн Минхен.
Un periodista italiano le ha regalado un aspersor a Mourinho al acabar la rueda de prensa en Valdebebas.
Surrealismo extremo.@elmundoes pic.twitter.com/5DYuKYo5vN
— Abraham P. Romero (@AbrahamPRomero) September 7, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
