Шпанија во голем стил ја одбрани титулата на европскиот шампионат во кошарка за жени, откако во големото финале во Белград ја декласираше Франција со 86-66. Охрабрени по тешкиот полуфинален триумф над домаќинот Србија, шпанските кошаркарки и без помошта на повредената Алба Торенс доминираа од почеток до крај и заслужено се задржаа на тронот.
Пресудна беше првата четвртина, во која Шпанија одигра неверојатно во нападот, постигна дури 32 поени за 10 минути и си создаде двоцифрена предност (32-21). Отпорот на Французинките беше скршен во третиот период, кога стана јасно дека нема никакви шанси за камбек, па „црвената фурија“ ја одржа удобната предност се до самиот крај и конечните „плус дваесет“.
Марта Харагај со 23 поени беше најефикасна кај европските шампионки, Домингез постигна 13, а Палау 12 поени за Шпанија. Најефикасна во таборот на Франција при денешниот пораз беше Сандрин Груда со 18 постигнати поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА